Îro di saet 13:25’an de balafireke bêmirov û biçek ya dewleta Tirk a dagirker ya ji cûrê Aksûngûr bi ser bajarê Kerkûkê re difiriya ji aliyê hêzên hewayî yên Iraqê ve bi rêya sîstema parastina hewayî ya Fransayê Panstir ve hatiye xistin.
Cîgirê Fermandariya Hêzên Parastina Hewayî ya Herêma Bakurê Iraqê Rûkan Ebdulselam Hemûdî, têkildarî xistina balafirê diyar kir ku balafira bêmirov a ku ji Silêmaniyê hatibû, ji bajaroka Çîmen derbazî qada hewayî ya Kerkûkê bû û bi fermana Fermandarê Hêzên Parastina Hewayî ya Iraqê hat xistin.
Dewleta tirk a dagirker piştî xistina balafirê li xwe mikur hat ku balafira bêmirov a hatiye xistin modela Aksungur e û li dijî PKK’ê amadekariya êrîşê dikir.
