Duh di saet 15:30’an de balafirên bê mirov yên dewleta tirk a dagirker li Geliyê Şilo 2 wesayîtan kir hedef.
Di encama êrîşê de, 2 endamên Yekineyên Berxwedana Şengalê (YBŞ) ên bi navê Azad Êzdîn û Enver Tolhildan şehîd bûn û 2 endamên YBŞ’ê ji birîndar bûne. Azad Êzdîn yek ji Fermandarên YBŞ’ê ye.
Îro dê li Şehîdgeha Ş. Berxwdan û Dilgeş ji bo her 2 cangoriyên Şengalê merasîmek were lidarxistin. Di saetên siharê de cenazeyê şehîdan ji nexweşxaneya Şehîdên Xanesorê hat girtin û radestî malbatan hatin kirin. Piştî rê û resmên olî wê cenazeyên her 2 şehîdan ji bo Şehîdgeha Ş. Berxwedan û Ş. Dilgeş werin oxirkirin.
Liv û tevgera leşkerên Iraqê
Lê balkêş e ku dema cenaze radestî malbatan hatin kirin, leşkerên Iraqê bi hinceta parastina cenazeyan, xwestin mudaxele bikin û rê li ber tevliheviyê vekin.
Malbat û xelkê Şengalê helwestek tund nîşanî hêzên Iraqê da, li ser vê leşkerên Iraqê neçar man hewldana xwe bidin rawestandin.
Li gorî agahiyan niha artêşa Iraqê hêzek zêde li derdora malên malbatên her du şehîdan komkiriye. Liv û tevgera lekerên Iraqê ya li Şengalê dewam dike, ne diyar e di saetên pêş de wê çi bi qewime. ŞENGAL
