Artêşa Iraqî ke hewl dana Şingalî dagir bikera, vizêr Şingal de hêrîşê Asayîşê Êzdîxanî kerde. Leşkerê Iraqî hêrîşê hemwelatîyanê Şingalî yê ke waştî vernîya hêrîşan bigêrî zî kerd. Badê nê hewldayîşanê xo Artêşa Iraqî, Şingal de hêrîşê nuqtaya Yewîya Xoverdayîşê Şingalî (YBŞ) û Yewîya Cinîyanê Şingalî (YJŞ) ke kewena mabenê Gelîyê Şîlo û dewa Sikênîyî kerde. Şero ke badê hêrîşan vejîya pêroyê şewe dewam kerd.
Goreyê malumatê çimeyanê herêmî Artêşa Iraqî bado ke şer qewimîya heme hetê ke binê kontrolê YBŞ-YJŞyî de yî, de dest bi sewqîyatê leşkerî kerde.
Goreyê xebera ke ajansê Rojnewsî derbaz kerd, Artêşa Iraqî vera Şingalî de hadreyîya hêrîşêko gird kena.
Zaf balkêşo ke wexto Tirkîya PDKyî reyde hêrîşê herêmanê Zap, Metîna û Avaşînî yê Herêma Kurdistanî kena de Artêşa Iraqî hêrîşê Şungalî kena.
