Artêşa Îsraîlê duh di seatên derengiya şevê de filistîniyek li aliyê rojava kuşt, her wiha balafirên şer ên Îsraîlê cihên komên leşkerî yên filistîniyan bombebaran kirin
Çavkaniyên filistînî aşkera kirin ku artêşa Îsraîlê ciwanê bi navê Selamê Keabîne dema ku bi wesayîta xwe diçû, kuştiye. Her wiha malpera 0404 a Îsraîlê jî diyar kir ku ajokarê wesayîtê dê wesaît biajota ser mirovan, lewre hatiye kuştin.
Beriya vê bûyerê, artêşa Îsraîlê 3 karker dema ku ji kar vedigeriyan, bi îdiaya ku wan hewl daye ku wesayîtê biajon ser mirovan, kuştibûn. Her wiha balafirên şer ên Îsraîlê duh di seatên sibehê de, bersiva topavêja ku ji Xezayê da û gelek cihên li Xezayê bombebaran kirin. Artêşa Îsraîlê aşkera kir ku balafiran gelek cihên hundirê kombûna leşkerî ya tevgera Hemasê yên bakurê Xezayê bombebaran kirin. XEZA
