Navenda Ragihandin û çapemeniyê ya HPG’ê, diyar kir ku artêşa Tirk a dagirker bê ku hedefk nîşan bide Başûrê Kurdistanê bombe dike û ziyanê dide bax û baxçeyên welatiyên sivîl.
Di daxuyaniyê de HPG’ê behsa bûyera ku îro li Derkarê qewimî û pêşmergeyekê jiyana xwe ji dest dabû jî hat kir û wiha got: “Di bûyera ku sibeha 8’ê Hezîranê li nêzî Derkarê qewimî de tu têkilî bi hêzên me re tune ye.”
HPG’ê di daxuyaniya xwe de ev agahî parve kir:
“Êrîşên dagirkeriyê yên dewleta tirk a li ser xaka başûrê Kurdistanê bênavber dewam dike. Di encama êrîşên bê ku hedef bên nîşandan de, zirar digihêje bax û baxçeyên gelê me yê başûrê Kurdistanê. Şewata ji ber van bûyeran derketin, texrîbatek mezin daye daristanên herêmê.
Detayên li ser êrîşên artêşa tirk a dagirker;
-7’ê hezîranê saet 11:00’an ji qereqolên artêşa TC’ê yên li ser sînor derdora Gundê Orê yê herêma Metînayê bi çekên giran bombe dike. Di encama bomberdûmana dijwar de zirarek mezin digihêje bax û baxçeyên gelê me yên sivîl, şewata ji ber bomberdûmana ya li herêmê didome.
-7’ê hezîranê saet di navbera 22:00-23:00’an de helîkopberên artêşa tirk ên şer devera Girê Zendûra, Keste, Dararê yên Medîna li gel derdora gundê Hirorê bombe kirin.
-7’ê hezîranê saet di navbera 12:40 û 22:50’î balafirên şer bombe li Werxelê ya Avaşîn barandin.
-7’ê hezîranê saet 00:10-00:20’î helîkoperên şer devera Mamreşo û Mervanos bombe kirin.
-7’ê hezîranê saet 13:20’î balafirên şer qada Kurojehro ya Zapê bombe kir. Di vê bomberdûmanê de şewata li herêmê derketî dewam dike.
-8’ê hezîranê saet 07:30’î balafirên şer bombe li bejahiya gundê Şkefiyan a devera Meyrokê ya Dihokê ya Gerê bombe kirin.
Di van bomberdûmana de ziyan bi hevalên me nebûye.” BEHDÎNAN
