Artêşa tirk a dagirker û çeteyên wê bi çekên giran êrîşî gundê Soxanekê yê navçeya Şêrawa ya Efrînê dike. Hêzên Rizgariya Efrînê (HRE) têkildarî êrîşên dewleta tirk a dagirker daxuyaniyek da. HRE’yê destnîşan kir ku êrîşên artêşa tirk û çeteyên wê hatiye şikandin û gelek çete hatine kuştin
Li gorî agahiyên ji herêmê hatine bidestxistin, artêşa tirk a dagirker û çeteyên wê bi top û çekên giran êrîş êrîşî gundê Soxanekê yê navçeya Şêrawa ya Efrînê dike.
HRE: Êrîşên artêşa tirk hate şikandin
Hêzên Rizgariya Efrînê (HRE) têkildarî êrîşên dewleta tirk a dagirker daxuyaniyeke nivîskî weşand. HRE’yê di daxuyaniya xwe de wiha got: “Artêşa tirk a dagirker û çeteyên wê di rojên dawiyê de liv û tevgera xwe li herêma Efrînê zêde kirin, her weha bê navber herêmên başûr û başûrê rojhilatê Efrînê bi taybet gundên navçeya Şera û Şêrawa topbaran kirin. Li hemberî van êrîşan hêzên me asta berxwedanê bilind kirin û bersiva êrîşên dagirkeriyê dan.”
HRE’yê bi berdewamî ev tişt ragihand: “Di roja 20’ê tîrmehê de artêşa tirk a dagirker û çeteyên wê bi obusan gundên Merenaz, Malikiyê û Şewarixa yên girêdayî navçeya Şera topbaran kirin û di bin sîwana topbaranê de xwestin li derdora gundê Merenazê de bi pêş ve werin. Li ser vê bingehî şer di navbera şervanên me û artêşa dagirker û çeteyên wê de rû da û bêhtirî 6 seatan dewam kir. Şervanên me hemû êrîş şikandin. Di encama şer de 5 çeteyên her dû komên çete Liwa El Şîmal – El Cebha El Şamiyê hatin kuştin û 6 çete jî birîndar bûn. Her weha 3 leşkerên artêşa dagirker a tirk jî birîndar bûn. Hemwextî wê, artêşa dagirker a tirk û çeteyên wê heta derengiya şevê herêmên sivîlan dan ber topan û ji ber wê ziyanên mezin ên madî gîhişte mal û zeviyên gundên Şewarixa, Malikiyê û Merênazê.”EFRÎN
