Artêşa tirk û çeteyên wê şêniyên gundê Derwîş ê Racoyê bi darê zorê ji gundê wan derxistin. Hat zanîn ku artêşa tirk hewl dide li gund baregeheke leşkerî ava bike
Hêzên artêşa tirk û komên çete yên girêdayî wê yên dagirker binpêkirinên xwe yên li Efrînê berdewam dikin. Hêzên dagirker bi awayeke sîstematîk herêma Efrînê ji şêniyên wê yên resen vala dikin û li şûna wan jî komên çete û malbatên wan bi cih dikin.
Li gorî agahiyên ji çavkaniyên herêmê, artêşa tirk û çeteyên wê şêniyên gundê Derwîş ê Raco ya Efrînê ku bi temamî kurd in bi darê zorê derxistin. Çavkaniyên ji herêmê ragihand ku hêzên artêşa tirk plan dike ku li gund baregeheke leşkerî ava bike.
Hêjayî bibîrxistinê ye ku dewleta tirk a dagirker heta niha jî bi dehezaran efrînî ji cih û warên derxistin û li şûna wan jî çete û malbatên wan ên ji herêmên weke Guta, Hama, Lazkiye û Idlibê bi cih kirin. EFRÎN
