Artêşa tirk gundê Nawdarok û herêma Xakûrkê ku bi ser Hewlêrê ve ne, bombebaran kir. Der barê encamên bombebaranê de tu agahî nehatin bidestxistin
Êrîşên artêşa tirk ên li ser başûrê Kurdistanê berdewamin. Artêşa tirk ku bi bombebaranê dixwaze li başûrê Kurdistanê herêma Xakûrkê dagirkeriya xwe berfireh bike, careke din herêm bombebaran kir.
Li gorî agahiyên ji herêmê, balafirên şer ên artêşa tirk demek berê gundê Nawdarok û herêma Xakûrkê ya ser bi Hewlêrê ve bombebaran kirin. Bombebarana li ser herêmê berdewam e. Têkildarî encamên bombebaranê heta niha tu agahî nehatine bidestxistin.
Hêjayî bibîrxistinê ye ku dewleta tirk şevê din jî li herêma Biradostê wesayîta sivîlan bombebaran kir. Di bombebaranê de welatiyek hate qetilkirin û birayê wî jî birîndar bû. HEWLÊR
