Artêşa tirk bi balafirên şer êrîşî gundên herêma Biradostê kir. Di encama bombebaranê de agir bi herêmê ket û gelek ziyan gihîştin jîngehan
Êrîşên dewleta tirk ên li dijî başûrê Kurdistanê berdewam in. Hat zanîn ku balafirên şer ên artêşa tirk di saetên serê sibehê saet derdora 06.40’an de gundên Sîran û Xelîfan ên herêma Biradostê bombebaran kirin. Hêjayî bibîrxistinê ye ku şevê din jî artêşa tirk bi rêya du helîkopteran heman herêm bombeberan kiribû.
Şêniyên herêmê ragihand ku di encama êrîşên artêşa tirk de agir bi herêmê ketiye û ziyanên mezin gihîştinê jîngehan.
Di heman demê de hate ragihandin ku balafirên şer ên dewleta tirk bênavber li ser herêmê digerin. HEWLÊR
