Artêşa tirk a dagirker û çeteyên wê, rojane li Sûriye û rojavayê Kurdistanê welatiyan direvînin. Li gorî nûçeya ANHA’yê leşkerên tirk û çeteyên dewleta tirk, ji gundên Basûfan û Kibêşîn ên Şêrawayê ser bi Efrînê, gelek kes revandine. Hate gotin ku aqûbeta kesên hatin revandin nayê zanîn.
Beriya ku artêşa tirk a dagirker di 18’ê adara 2018’an de kantona Efrînê dagir bike, piraniya niştecîhên gundê Basûfan êzidî bûn. Lê artêşa tirk demografiya gund guhert, ji ber wê êzidî neçar man ji gund derkevin.
Têkildarî heman mijarê çeteyên Feyleq El-Şam ên girêdayî artêşa tirk a dagirker ên ku li gundê Basûfanê bi cih bûne, di 5’ê kanûnê de gelek şêniyên gundê Kibêşîn ê navçeya Şêrawayê revandin.
Navên kesên revandî wiha ne: Elî Kazim Elî (22), Basil Mamed Hisên (22), Samêr Mamed Hisên (35) û Ehmed Hindî Hindî (32). HELEB
