Artêşa tirk a dagirker konvoya sivîlan a ku ji Reqayê ber bi Girê Spî ve dihat bi balafirên şer bombebaran kir. Di encama bombebaranê de 3 sivîl hatin qetilkirin û bi dehan sivîl jî birîndar bûn
Ji bo şermezarkirina êrîşên dagirkeriyê yên dewleta tirk û komên çete yên girêdayî wê yên li dijî rojavayê Kurdistanê, bi hezaran welatiyên ji herêmên cuda yên bakur û rojhilatê Sûriyeyê herikîn Girê Spî. Welatiyan xwest ku tev li çalakiya mertalên zindî bibin.
Li gorî agahiyan, bi heman boneyê konveyeke sivîlan li Reqayê dema ku ber bi Girê Spî ve dihat bû hedefa balafirên şer ên dewleta tirk. Çavkaniyên ji herêmê da zanîn ku di encama bombebaranê de 3 sivîl şehîd bûn û bi dehan sivîl jî birîndar bûn.
Her wiha bi hezaran welatiyên ji bajarên cuda gihaştin Girê Spî û li Çerxerêya El Elem kom bûn. Hat zanîn ku piştî li çerxerêyê kom bûn, artêşa tirk a dagirker û çeteyên wê derdora navçeyê topbaran kir. GIRÊ SPÎ
