Gerîlayên HPG û YJA Starê li başûrê Kurdistanê li girên ku hatine dagirkirin, gelek çalakî lidarxistin û derbên giran li artêşa tirk xistin
Artêşa tirk li başûrê Kurdistanê êrîşên xwe yên dagirkeriyê didomîne, gerîla jî bi berxwedaneke dîrokî û çalakiyan, derbên giran li wan dixe.
Li gorî agahiyên ku ji herêmê hatine wergirtin, di 19’ê hezîranê de Tepê Xwedê yê li Barzanê, Lêlikan a li Çiyayê Del a Sîdeka û li ser sînorê Çelê gelek cihên ku leşkerên tirk dagir kirine, bûn hedefa gerîlayan.
Gerîlayan bi sabotaj û girtina bi ser giran, gelek çalakî li dar xistine. Li gorî agahiyên ji herêmê hatine wergirtin gelek leşker hatine kuştin û li nêzî Çelê wesayîta Reo tevî leşkerên di nav de hatine îmhakirin. BEHDÎNAN
