Artêşa tirk duh şêniyên Lêlikanê gulebaran kirin. Ji ber gulebaranê gelek gule li malên welatiyan ketin. Di danê sibehê de jî dewleta tirk girê Lêlikan, Xakurkê û gelek herêmê bombebaran kirin
Êrîşên artêşa tirk ên li ser axa başûrê Kurdistanê û gelê herêmê berdewam in. Hêzên artêşa tirk îro ji duh ve hem êrîşî welatiyên herêmê kir û hem jî gelek dever bombebaran kirin.
Hat zanîn ku artêşa tirk ên li ser çiyayê Çiyadêlê hatine bicihkirin, duh di danê êvarê de şêniyên gundê Lêlikan ê girêdayî herêma Bradostê gulebaran kirin. Çavkaniyan ragihand ku ji ber gulebaranê gelek gule li malên welatiyan ketine û ziyanên madî çêbûne. Welatiyên herêmê bertek nîşanî dagirkeriya dewleta tirk û êrîşên wan dan. Welatiyan got ku jiyana wan ji ber artêşa tirk di metirsiyê de ye.
Her wiha balafirên artêşa tirk di danê sibehê saet derdora 05.00’an de Girê Lêlîkan, Xakurkê û derdora herêma Bradostê jî bomberan kir. HEWLÊR
