Hêzên dagirker ên dewleta tirk û çeteyên wê piştî ku berhemên dîrokî yên li Girê Cindirêsê (Kaş) dizîn, li ser gir dest bi çêkirina baregeha leşkerî kir
Dewleta tirk piştî ku bi alîkariya komên çete Efrînê dagir kir, hewl dide ku xwe li Efrînê mayînde bike. Di vê çarçoveyê de jî li hêlekî şêniyên herêmê koçber dike, li hêlekî bi hezaran malbatên çeteyan li Efrînê bi cih dike û li hêla din jî baregehên leşkerî ava dike.
Li gorî agahiyên ji çavkaniyên herêmê, artêşa tirk di serî de şûnwarên dîrokî yên giranbiha yên li Girê Cindirêsê (Kaş) dizîn û niha jî li ser gir dest bi çêkirina baregeha leşkerî kir. Çavkaniyan daxuyand ku artêşa tirk dîwarek bi dirêjahiya 3 metreyan li derdora baregehê ava kiriye.
Li aliyekî dîtir jî artêşa tirk a dagirker di demên dawî de 2 baregehên leşkerî ava kiribûn. Ji van baregehan yek jê di navbera gundê Til Silor û Cindirêsê de ye û ya din jî li gundê Derwîş ê Raco ya Efrînê ye. EFRÎN
