Hêzên artêşa tirk û çeteyên wê navçeya Til Rifatê careke din topbaran kir. Hat zanîn ku heta niha 6 topên hewanê li navçeyê ketine û êrîşa li ser navçeyê hê jî didome
Artêşa tirk û komên çete yên girêdayî wê êrîşên xwe yên li dijî herêmên Kantona Şehbayê berdewam dikin. Hat zanîn ku hêzên dagirker careke din êrîşî navçeya Arfadê (Til Rifat) dikin.
Li gorî agahiyên ji çavkaniyên herêmê, hêzên artêşa tirk û komên çete yên girêdayî wê careke din bi topên hewanê erîşî navçeya Til Rifat a girêdayî Kantona Şehbayê kir. Hat ragihandin ku heta niha 6 guleyên hewanan li navçeyê ketine. Êrîşa hêzên dagirker ên li ser herêmê berdewam dike.
Hêjayî bibîrxistinê ye ku dewleta tirk ev demeke ji bo dagirkirina Til Rifatê di nava hewldanên leşkerî û dîplomatîk de ye. Ji bo valakirina navçeyê ji şêniyên wê û koçberên Efrînê jî dem bi dem navçeyê bi çekên giran topbaran dike. ŞEHBA
