Artêşa tirk a dagirker ku di şerê li hemberî gerîlayên azadiya Kurdistanê de derbên mirinê dixwe, serî bikaranîna qetemeniyên qedexekirî û çekên kîmyewî dide. Artêşa dagirker teqemenî û çekên kîmyewî yên li gorî peymanên navneteweyî hatine qedexekirin û bikaranîna wan sûcê şer tê dîtin li dijî tunelên şer ên Gerîlayên Azadiya Kurdistanê bi kar tîne.
Di dîmenên meha Gulana 2024’an de kêliyên ku artêşa tirk a dagirker li herêma Şehîd Delîl a rojavayê Zapê ya Herêmên Parastinê yên Medyayê sûcê şer dike, careke din hatin belgekirin. Ji ber tundiya teqîna teqemeniyên qedexekirî ewrê tozê û kevir bi sedan metreyan li hawîrdorê belav dibe û ber bi asîmanan ve bilind dibe. Tevî ku êrîşên dewleta tirk ên li hemberî Gerîlayên Azadiya Kurdistanê yên bi teqemeniyên qedexe û çekên kîmyewî gelek caran hatine belgekirin jî, saziyên navneteweyî ji nedîtî ve tên.
Dîmen û belgeyên teqemeniyên qedexekirî yên artêşa tirk a dagirker di salên 2021, 2022 û 2023’yan de gelek caran di ajansa me ANF’ê de hatin weşandin.
