Ame zanayene ke artêşa tirkî ya ke hemverê Herêma Kurdistanê Federeyî de operasyon virazena dewanê herême ser o zextan kena ke bikerê veng. Heman wextî de yeno vatene ke leşkeran adir nayo bejikê dewa Sîranî ya Sidêkanî ra
‘Operasyonê Pençeyî’ yo ke hetê Hêzanê Çekdaran yê Tirkî (TSK) ra 27ê gulane de hemverê wareyê Biradostî yê Herêma Kurdistanê Federeyî de dabi destpêkerdene bi vilabîyayîşî dewam keno. TSKyo ke operasyono de rixmê hewa ra û bejikî ra bombardûmankerdişî de nêeşkeno leşkeran rono, keno ke herême bêmerdim verdo.
TSK û MÎT tehdît kenê
PDKyo ke îdareyê herême destê ê de yo hemverê operasyonî de bêveng maneno û eşkerayîyanê paştdayîşî dano. Hetêna ra ame zanayene ke bejikê dewa Sîranî ya bajerekê Sîdêkanî yê qezaya Soranî ya Hewlêrî hetê TSKyî ra ameyo vêşnayene. Leşker û endamê MÎTî yê ke ameyê heta bajarekê Sidêkanî yo ke hetê zereyî yê herêma Biradostî de yo, serê dewijan de zextî kerdê ke dewanê xo ca verdê. Dewijan va: “Înan ma ra vat çîyo ke bêro sereyê şima ra ma mesuldar nêyê û ma tehdît kerdî.”
Kesê ke dewe ra vêjênê gule danê înan ro
Encumenê Meclîsê Sidêkanî Davûd Feqê Mîrzayo ke dewa Sîranî ray o û vano ked ewe de mehsûr mendo vat erazîyê dorê dewe pêro hetê leşekran ra ameyî vêşnayene. Dewijanê ke waşto adirî bitefênê zî guleyî înan ser o ameyê varnayene û kesê ke waştê dewe ra vejîyê zî ameyê panayene. Davûdî vat rixmê nê de zî pîya bi ê 6 kesî dewe de mendê.
Îdareyê herême bêveng o
Mîrzayî vat ke înan ro selahîyetdaranê îdareyê herême gêrayê û hetkarî waşta, la cewabêk nêdîyayo înan. Mîrzayî seba vindertişê barbarîya ke yena ciwîyayene veng da ke her kes reaksîyon bido. DUHOK
