Artêşa tirkî şertanê îlankerdişê adirbirnayîşî binpaye kena. Fermandarîya HSDyî ya Serêkanîyê daye zanayene ke eke hêrişî dewam bikerî ê do heqê xo yê meşrû bixebetnî û cewab bidî hêrişan
Her çiqas ke hetê Tirkîye û Amerîka ra pêkerdişêk bêro kerdene û netîceyê pêkerdişî de ganî adirbirnayîş biameyêne viraştene zî dewleta tirkî ya dagirkere hêrişanê xo domnena. Artêşa tirkî şertanê îlankerdişê adirbirnayîşî binpaye kena û bi hawayo şîdetin hêriş kena. Nê gaman de her hetê bajarê Serêkanîyê hetê dewleta tirkî ra yenî bombardûmankerdene. Fermandarîya Hêzê Sûrîyeya Demokratîke (HSD) ya Serêkanîyê daye zanayene ke eke hêrişî dewam bikerî ê do heqê xo yê meşrû bixebetnî û cewab bidî hêrişan. HESEKÊ
