YNK’ê di ragihandina xwe ya fermî de bi awayek lezgîn ragihand ku asayîşa Partiya Demokrat a Kurdistanê (PDK) endamekî komîteya wan a bajarokê Şêladizê revandiye.
Li gorî agahiyan, kadroyê YNK’ê yê hatiye revandin, Bepirsyarê Komîteya Xwendevanên Kurdistanê Mehdî Rêkanî ye.
Ev ne cara yekem e ku PDK bi vê şêwazê kadro û alîgirên YNK û aliyên din ên siyasî binçav dike. PDK’ê ev şêwaz ji xwe re kiriye çandek.
26’ê tîrmehê jî bi heman rengî PDK’ê li gundê Bêxme yê bajarokê Xelîfanê kemîn danî pêşiya gerîlayan û heya niha tevî hemû bangewazî û daxuyaniyên Tevgera Azadiyê ya Kurdistanê û gel, PDK’ê tu daxuyaniyek der barê aqûbeta her 3 gerîlayan de nedaye.
Ji bilî wan dîsa zêdetirî meheke ku 3 endamên Nûnertiya Rojavayê Kurdistanê li Hewlêrê binçav kiribû ku heya niha tu agahiyek der barê yek ji wan nedaye û serbest bernedaye.
Di vê hefteyê de jî 3 endamên RJAK’ê binçav kir û heya niha têkildarê wan jî tu agahiyek nedaye.
Di nava 2 salên bihorî de jî çendî car bi komî welatiyên Wargeha Şehîd Rustem Cûdî (Mexmûr) binçav kiriye. HEWLÊR
