Hunermendo dêrsimij Mîkaîl Aslano ke bi kirdkî (zazakî) hunerê xo keno medyaya komelkîye ra bi zazakî veng da ke wa şar keye ra mevejîyo û xo vera virûsê Korona bipawo.
Aslanî vat:” Beno ke doman û ciwanî nêweşîye ravêrnê la kokimî nêxelisyenê. Xora tay kokimê ma mendî ganî ma înan bipawê. Ma cayanê sixletîyan meşorê û tedbîranê xo bîgerê. Ganî ma vateyê doktor û zanayanê xo bikerê û semedê vergirewtişê nêweşîye xîret bikerê. Ma wayîrê yewbînan bivejîyê. Nê rojê tengî verênê ra şinê.”
