Badê ke Apollo 11î Aşme ser o cayê xo girewt ra 50 serrî dima NASA amadekarîya erşawitişê astronotêka cinîye kena
Seke yeno zanayene wesayîtê fezayî yê bi nameyê Apollo 11î 50 serrî verê 20ê Temmuza 1969î de erşawîyabi Aşme. Badê ke Apollo 11î Aşme ser o cayê xo girewt ra 50 serrî dima NASA amadekarîya erşawitişê astronotêka cinîye kena. NASA nameyê nê wezîfeyî Artemîse pana. Artemîse mîtolojîyê Yewnanî de sey cêwîya Apollonî yena zanayene.
Îdarekaranê NASA ra Jîm Brîdenstîne dîyar kerd ke heta 2024î ê do na xebata xo temam bikerî û astronotêka cinîye bierşawî Aşme. Berpirsîyaranê ciresnayîşî yê NASA ra Bettîn Inclane zî da zanayene ke heta nika 12 astronotî erşawîyayî û heme zî camêrd î û wina va: “Heta nika qet Aşme ser o cinîyêk rayîr ra nêşîya.” Serekê Amerîka Donald Trumpî zî eşkera kerd ke înan seba NASA 1 mîlyar 600 dolar pere cîya kerdo.AMED
