Avûkata Rayberê PKKyî Abdullah Ocalanî Ûysale bale ante serê eşkerayîya Ocalanî ya ‘Prosesê 40 rojan muhîm o’ û va: “Ocalanî vatibi ‘Dewamkerdişê pêvînayîşan seba nizdbîyayîşê çareserîye muhîm o.’”
Pêvînayîşê Rayberê PKKyî Abdullah Ocalanî dir 18ê hezîrana 2019î ra nata ameyî astengkerdene. Avûkata Ocalanî Newroz Ûysale eşkerayîya wezîrê edaletî Abdulhamît Gulî ya ‘Hetê huqûqî ra astengîyêk çina’ viste vîrî û waşt ke eşkerayî hetê polîtîkî ra zî cewabêk bivîno.
Avûkata Ocalanî, Newroz Ûysale derheqê sebebanê astengkerdişê pêvînayîşanê muwekilê aye û netîceyê ke xo dir ano de ANHAyî rê qisey kerde.
‘Îmrali de nêhuqûqî binge ya’
Newroz Ûysale vat ke eşkerakerdişê astengkerdişê pêvînayîşî bi huqûqî nêno şîrowekerdene û vat sîstemê tecrîdê Îmraliyî xo rê nêhuqûqîye binge gêna.
Newroz Ûysale derheqê babete de no vat: “Seke her demî nê demî de zî astengkerdişê pêvînayîşan nêhuqûqî yo. Çe hefy k ekes eşkeno bi sîyaetî pênase bikero. Na çarçewa de goreyê ma astengekerdişî bi hawayêkê keyfî û sîyasîyî yenê kerdene.
‘Grawa Îmraliyî de halêko newe’
Newroz Ûysale daye zanayene ke prosesê çalakîya grevê vêşanîye de menga nîsane (Teberê 3 pêvînayîşanê ke menga hezîrane de ameyê viraştene) ra nata muracatê heme avûkatan ê pêvînayîşî hetê selahîyetdaran ra bêcewab ameyê verdayene û vatişê xo wina domna: “Cewab tena gama ke pêvînayîşî ameyî kerdene ame dayene. Gama ke pêvînayîşî nêameyî kerdene ne pozîtîf û ne zî negatîf waştişanê ma rê cewab nêame dayene. No zî seba bicaardişanê serê Îmraliyî de bicaardişê newe yê.
Wextanê ravêrteyan de waştişê pêvînayîşî bi mazeretanê sey ‘Halê eyamî rind nêyo, keştî xerepîyaya û sn.’ ameyêne redkerdene. Qedexekerdişê pêvînayîşê avûkatan ê muwekilanê înan dir 20ê nîsana 2019î de amebi wedartene. Rixmê nê de zî demêko derg o waştişê ma yê pêvînayîşî nênê qebulkerdene û cewab zî nêno dayene.”
Dimayo ke 2ê gulane de Rayberê PKKyî Abdullah Ocalanî dir pêvînayîş ame kerdene bi rayîrê avûkatanê ê deklarasyonêk ke 7 madeyan ra ameyêne pê, rayapêroyîye rê amebi eşkerakerdene. Newroz Ûysale derheqê deklarasyonî de zî wina vat: “Seba problemê Kurdan bêro çareserkerdene û seba Rojakewtena Mîyanêne de demokrasî bica bêro, ma heminan tesîr û hêzê ê dî.”
Demê 30-40 rojî qedîya
Newroz Ûysale da zanayene ke demo ke Ocalanî dabi qedîyayo û qiseykerdişê xo wina qedîna: “Ma wayîrê na bawerîye yê ke Ocalan muhîmî dano nizdbîyayîşanê hemverê xo û seba ercnayîşê meseleyanê rojane û tarîxîyan ê na coxrafya ê qasê 30-40 rojî dem dabi. No demo ke hetê ê ra ameyo bewlîkerdene hendî ravêrto û ma do pêro bivînê ke do tewirêko senên bêro ramotene.” Çime: ANF
