Avûkatê Rayberê Şarê Kurdî Abdullah Ocalanî semedê pêvînayîşê muwekîlê xo muracatê Serdozgerîya Komare ya Bûrsa kerd
Avûkatanê Ocalanî Newroz Ûysale, Mazlûm Dînç, Faîk Ozgur Erol û Cengîz Yureklî semedê pêvînayşê muwekîlê xo muracatê Serdozgerîya Komare ya Bûrsa kerd.
27ê Temmuza 2011î ra heta 2ê Gulana 2019î heme muracatê avûkatan bi keyfî ameyîbî redkerdene. Netîceyê grevê vêşanîye yê ke bi mengan ameyî viraştene û rojeyê mergî de 2ê Gulane de vernîya pêvînayîşê avûkatan ameyebî akerdene. Pêvînayîşo bîn zî 22ê Gulane de amebi kerdene. Muracatê avûkatan ê 27ê temmuze 2011 ra heta nika bi behaneyanê sey ‘muxalefetê hewayî‘, ‘xirabîyayîşê kosterî‘, ‘koster tamîr de ya‘, ‘OHAL‘ û tewr peynî zî ‘qanûnê bi Hûmara 5275î yê Derheqê Înfazê Tedbîranê Ceza û Asayîşî‘ ameyî redkerdene.
Mehkemaya Cezaya Giran ya Bûrsa 17ê nîsane de qerarê wedarnayîşê qedexeyê Ocalanî ser wedarnaye. Wezîrê Edaletî Abdulhamît Gulî zî 16ê gulane de eşkerayî dabî û vatbî ‘Qerarê astengkerdişê avûkatanê Ocalanî ser ameyo wedarnayene.’ STENBOL
