Endamê Grup Yorumî Îbrahîm Gokçek 323 rojan ra nata rojeyê mergî de yo. Buroyê Huqûqî yê Şarî derheqê babete de eşkerayîye da û vat: “Grup Yorum giranîye dana di waştişan ser; yew veradayîşê endaman ê tepişteyan ê grube û wedaritişê qedexeyê konserî.
Seba ke endamê tepişteyî yê Grup Yorumî vera bidîyê ma reyna muracat kerd. Ma do walîtîye de seba konserî muracat bikerê. Waştişê konserî ganî cade bêro qebulkerdene. Ewro ma zîyaretê xo de dî ke rewşa weşîye ya Gokçekî vera bena xirabêr. Ma venga Walîtîye, Wezaretê Karanê Zerrîye, Serekkomarîye danê ke berpirsîyarîya xo bîyarê ca. Waştişê konserî wa qebul bibo û Îbrahîm Gokçek wa biciwîyo.”
