Avûkatê Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guven Serdar Çelebîyî Ajansê Mezopotamya rê qisey kerd û da zanayene ke tepişîyayîşê Leyla Guven ecêb o.
Çelebîyî eşkera kerd ke muwekîla ci asta berzêre de ameye cezakerdene û seba tepişîyayîşê ci zî şikê ‘remayîşî’ sey bahane ame mojnayene. Çelebîyî vat: ”Îqtîdarî no ferman dayo. Leyla Guven nêameye goştarîkerdene û no zî sûcêk o. Dewlete û îqtîdarî bi nê hawayî sûc kerdo. Bira tepişîyayîşê Guvene ecêb o. Qerar skandalêko huqûqî yo Guvene çarçewa faalîyetanê KCDyî de tepişîyaye la KCD kongreyêka legal a û bi destûrê qanûnî ronîyaye. Balkêş o ke Guvene dima ke tepişîyaye mîyanê 3 saetan de erşawîyaye zîndanî. Vera tay kesanê sey Leyla Guven metodê taybetî şuxilîyenê.”
Çelebîyî pare kerd ke nika aya girînge weşîya Leyla Guven a û vat: ”Guvene de nêweşîyê cidîyî estê. Coka ma qerqilîyenê. ” AMED
