Taxa Hasankoyî yê qezaya Meramî ya Konya de vizêr faşîstanê AKP-MHPyî hêrişê keyeyê kurdî yo qersijî Dedeogullari kerd û 7 kesî kiştî.
Avûkatê keyeyê Dedeogullari Abdurraman Karabulutî da zanayene ke otopsî de bedenê 6 kesan de 17 guleyî ameyî vînayene raporê kesê/a 7. tem zelal nêbi. Karabulutî ard ziwan ke ey serdozgerî reyde pêvînayîş kerd û goreyê vatişê ci tekîlîya hêrişkarî bi hêrişkaranê verênan esta. Eşgalê ci bewlî bîyo.
Karabulutî da zanayene ke Yaşar, Bariş, Serpîle, Serap, Îpeke, Metîn û Sîbele Dedeogullari yê ke ameyî qetilkerdene do badê nimajê yerîyî Goristanê Saraçogluyî yê qezaya Karatayî de bêrê definkerdene û vat ê vera nê qirkerdişê nîjadperestî heme şarê xo pawenê. KONYA
