Eşkerayîya ke avûkatanê Rayberê Şarê Kurdî Abdullah Ocalanî ra yena pawitene ewro do saet 11.00î de bêro dayene
Avûkatanê Buroyê Huqûqî yê Asrinî adresa xo ya Twîtterî ra da zanayene ke ê do ewro saet 11.00î de derheqê pêvînayîşê xo yê Ocalanî dir eşkerayîyêk bidê.
Eşkerayîye de ca dîya nînan: “Ma muwekîlê xo Birêz Abdullah Ocalano ke Zîndano Qefilnaye yê Îmralîyî yê Tîpa Fyî de yo dir 22.05.2019 de pêvînayîşêk viraşt. Derheqê nê pêvînayîşî de ma do ewro saet 11.00î de Hotelê Tîtanîc Downtown yê Beyoglû de eşkerayîya çapemenîye virazê. Ma heme kedkaranê çapemenîye dawet kenê. Eşkerayîye de do persî nêrê girewtene.”
Hetêna ra goreyê eşkerayîya ke hetê HDPyî ra amî dayene do ewro saet 13.00î de Banê HDPyî yê Bajarê Amedî de peyamê Leyla Guvene zî bêro wendene. STENBOL
