Ewro reyna destûr ame dayene ke avûkatanê Ocalanî ra Rezan Sarica û Newroz Ûysale şêrî Îmrali û muwekkîlê xo Rayberê Şarê Kurdî Abdullah Ocalanî reyde pêvînayîş bikerî
Avûkatê Rayberê Şarê Kurdî Abdullah Ocalanî Rezan Sarica û Newroz Ûysale semedê pêvînayîşê muwekîlê xo ewro şîyî Îmrali. Avûkatî tewr peynî de 2ê Gulane de şîbî Îmrali.
27ê Temmuze ya 2011î ra heta nika muracatê avûkatan bi behaneyanê cîya cîyayan ameyî redkerdene û avûkatanê Ocalanî nêeşkenî muwekkîlê xo reyde pêvînayîş bikerî. Taybetî 2015î ra nata zî Ocalanî ser de tecrîdêko girankerde yeno meşnayene. Cok ra Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvene grevê vêaşnîye da destpêkerdene û 196. rojî yo ke grev de ya. Badê Guvene 1ê Adare de bi hezar hepsîyê sîyasî dest bi grevê vêşanîye kerdî û dima ra 30 hepsîyî kewtî rojeyê mergî de yî. Rojeyê mergî ewro roja 23 de yo.
Xoverdayîşo ke bi serkêşîya Leyla Guvene dîya dest pêkedene û vilayê pêroyê zîndanan bî, resa merheleyê şikitişê tecrîdî. Dewlet û hukmat hemverê xoverdayîşan de kewt tengî û 2ê Gulane de destûr da ke Ocalan û Avûkatê xo Rêzan Sarica û Nevroz Ûysale yewbînan bivînî. Her çiqas ke muracat bêrî kerdene zî 2ê Gulane ra nata pêvînayîşê Ocalan û avûkatan pê nîno. Ewro reyna destûr ame dayene ke avûkatanê Ocalanî ra Rezan Sarica û Newroz Ûysale şêrî Îmrali û muwekkîlê xo Rayberê Şarê Kurdî Abdullah Ocalanî reyde pêvînayîş bikerî. Goreyê xebera ANFyî avûkatê Ocalanî nika rayîr de yî û şonî Îmrali.
