Avûkatê Hemsereka Pêroyî ya HDPyî ya verên Fîgen Yuksekdage derheqê qerarê newera tepiştişê Fîgen Yuksekdag û Selahattîn Demîrtaşî de eşkerayî dayî û vatî: “Dest bi prosesê komployêk newe ameyo kerdene. Ma do waştişê xo yê azadîye dewam bikerî.”
Serdozgerîya Komarî ya Anqara vera Yuksekdage û Demîrtaşî yê ke zîndan de yenê tepiştene, çarçeweya cipersayîşê ‘qewimîyayîşanê Kobanê yê 6-7ê Teşrîna Verên’ yo ke Anqara de amebi destpêkerdene de seba her di hemserekan reyna ciperdayîş akerde û waşt ke ê cade berê tepiştene. 1. Mehkemaya Cezaya Sulhî ya Anqara çarçeweya cipersayîşî de seba Yuksekdag û Demîtaşî qerarê teiştişî dayebî. Avûkatê Hemsereka Pêroyî ya HDPyî ya verên Fîgen Yuksekdage derheqê qerarê newera tepiştişê Fîgen Yuksekdag û Selahattîn Demîrtaşî de eşkerayîyêka nuştekî dayî.
Eşkerayîya nuştekî de wina ame vatene: “Serdozgerîya Komarî ya Anqara 20ê êlule de bi mehenya hedîseyê 6-7ê Teşrîna Verên yê Kobanî, çarçeweya dosyayê cipersayîşî yê Hûmara 2014/146757 de bi lez qerarê tepiştişî da Fîgen Yuksekdag û Selahattîn Demîrtaşî. No qerarê tepiştişî reyde rayîrê serbest veradayîşê Demîrtaş û Yuksekdage ame girewtene.
No qerarê reyde dest bi prosesê komployêk newe ameyo kerdene. Ma do vera no prosesê newe yê komplo de salona mehkema de waştişê xo yê azadîye dewam bikerî.” STENBOL
