Çemê Kura ke dormeyê Gola Erdexanî ra dest pêkeno û serê Gurcistanî ra derbaz beno, bajarê Sabirabadê yê Azerbaycanî ra keweno mîyanê Çemê Aras û Neftçala Rayonê ra zî herikîyeno Deryayê Xezerî. Qeraxê Kura de bajarê sey Erdexan, Borjomî, Gorî, Mtsheta, Tîflîs, Rustavî, Mîngeçevîr, Yevlah, Savûrabad, Şîrvan û Salyan estê. Yeno vatiş ke Çemê Kura ke çimeyê xo Koyanê Allahuekberî ra gêno, dergêya ci dormeyê 1515 km. yo. Dergêya Kura bi qaseyê 189 km. yo.
Çemê Kura ke Erdexan de bi name û veng o, huşkêya emserrî vera awa ci xeylê kêm bîya. Hemwelatijê dormeyî ardî ziwan ke no 5-6 serrê peyênan o ke çem zuha bîyo û emserr germê vera awe hîna kêm bîya. Heto bîn de zî ameyîşê payîzî vera darê herême ke heme serd bîyî, dîmenêk muazam vejenê raşte.
Dormeyê çemî xeylê eşte bîyo
Sewbîna ame dîyîş ke dormeyê çem û mîyanê çemî xeylê eşte bîyo. Yew dîmenêk xirab zî tîya de vejeno raşte. Heto bîn de zî goreyê malumatanê herême awa kanalîzasyonî verê ke parzinî ra derbaz biba tewrê çemî bena û hemwelatijî na rewşe ra nêrazîyê. ERDEXAN
