Nê di hewteyanê peyênan de Awbendê Pembelikî yo ke Awa Perî de aktîf o de maseyê merdeyî yenê dîyayene. Platformê Pawitişê Awa Perî waşt ke kesê pisporî şorê ca de cigêrayîşan û analîzan bikerê û netîceyê nînan rayapêroyî reyde pare bikerê
Nê di hewteyanê peyênan de Awbendê Pembelikî yo ke Awa Perî ser o yo de maseyê merdeyî yenê dîyayene. Derheqê babete de Platformê Pawitişê Awa Perî (KAR-DEF) eşkerayîyêk daye û va: “Goreyê zanayîşê ke dewijan dayê ma, Awbendê Pembelikî yo ke mîyanê sînoranê Xarpêt-Dêrsim-Çewlîgî de aktîf o de nê di hewteyanê peyênan de merdişê maseyan û awe ser o vilabîyayîşê înan yeno dîyayene. Merdişê nê maseyan tewr zêde dewa Akkuşî ya Xarpêt-Depî de, Dewa Doluca Cêrî ya Qisle-Dêrsim, Dewa Çayagzi ya Xorxol-Çewlîgî de yenê dîyayene.”
Goreyê eşkerayîyanê hemwelatijan ê ke herême de ciwîyenê, bi serran o Awa Perî de maseyan pêgênê la reya verên a ke ê bi nê hawayî merdişê maseyan vînenê.
Dewamê eşkerayîye de ame vatene, Awbendê Pembelikî de û dewanê dorê ci de merdişê maseyan miletî tersneno û ê wazenê ke kesê pisporî şorê ca de cigêrayîşan û analîzan bikerê û netîceyê nînan rayapêroyî reyde pare bikerê. DÊRSIM
