Parlementerê Partîya Demokratîke ya Şaran (HDP) ê Çewlîgî Erdal Aydemîrî seba hedîseyanê întîharî ê ke demanê peyênan de Çewlîg de zêdîyayî bêrî cigêrayîşkerdene, waşt Komîsyonê Cigêrayîşî yê Meclîsî bêro awankerdene. Aydemîr seba awankerdişê komîsyonî pêşnîyazname da Meclîsî. Aydemîr pêşnîyaznameyo ke da Meclîsî de wina va: “Goreyê hûmaranê fermî Çewlîg de serra 2009an de 6 camêrd û 3 cinîyî întîxar kerdî. Mabenê serranê 2009 û 2019î de 550 kesê bînî întîhar kerdî. Reyna goreyê dayeyanê fermî serra 2020î de hûmra kesê ke întîhar kerdî zaf zêdîyaya. Yeno îdîakerdene ke zafaneyê nê kesan bêtalî, zextê keye, hedîseyê ke domanê kêna raştê înan yenî, şîdetê mîyanê keye, fikirîyayîşê aver û mehneyanê cîya-cîyayan vera întîhar kerdî.” ÇEWLÎG
