Wekîlê Partîya Demokratîke ya Şaran (HDP) yê Çewlîgî Erdal Aydemîrî bi vernîyazêkê persî serebûtê xokiştişî yê Çewlîgî berd Meclîsî.
Aydemîrî vat: ”Nê serebûtî Çewlîg de benê sebebê qesawetêkê pîlî. Nê serebûtan de zêdêr cinîyê ciwanî mirenê. Rixmo ke mi verî zî na babete ardbi Meclîsî derheqê serebûtan de cigêrayîşêk nêame kerdene û verê înan nêame girewtene. Heyf ke reyna 31ê çeleyî de 3 waqayê xokiştişî qewimîyayîş. Nînan ra 2 waqayî pê mergî netîce bîyî. Seba ke serra kerdoxanê nê serebûtî heman a persî vejîyenê werte. Ganî nê serebûtî cade bêrê cigêrayene.”
Aydemîrî nê persî vernîyazê xo de persayî:
-Serebûtê peyênî yê xokiştişî de mergê cinîya 19 serre de tay îdîayî estê. Na babete de gerre yan zî îxbarêk esto?
-Sebebê xokiştişî yê nê cinîyan ê ciwanan çita yê? Derheqê nê serebûtan de wezaretî xebatêke kerda?
-Şima do derheqê nê serebûtan de ke Çewlîg de qesawetêkê pîlî virazenê do xebatêke bikerê? ANQARA
