Hevşaredarê Qersê Ayhan Bîlgen ê bi fermana Serdozgeriya Komarê ya Enqereyê hat girtin û dûre qeyûm tayînê şûna wî hat kirin, li ser hesabê xwe yê twîtterê peyamek weşand.
Bilgen diyar kir ku destkeftiyên li Qersê dê tu carî winda nebin û wiha got: “Kesên ku li ser bêhiqûqiya li me tê kirin, li me geriyan, em ziyaret kirin û ji bo me peyam weşandin spasiyên xwe pêşkêş dikim. Bila baş bê zanîn, destkeftiyên li Qersê dê tu carî winda nebin û ev xwedî derketin dê vala neçe. Ez nizanim biryara girtinê kî da lê şandeya dadgehê ya ku ev biryar li rûyê min xwend, başiyek dîrokî kir û bi vê biryarê rêzên hiqûqî û biryara Dadgeha Qanûna Bingehîn paşguh kir. Bi awayekê aşkera ev yek kir. Li şûna ku weke demokrasî heye nêz bibin, îmzekirina vê bêhiqûqiyê, wê ji bo demokrasiya Tirkiyeyê, jê haydar bûn û destkeftiyek hîn bi nirxtir derbixe holê.” AMED
