Komêka wekîlanê Parlamentoyê Ewropa (PE) şaristanê Strasbourgî yê Fransa de aktîvîteyêke de Merkezê Komelê Demokratîkî yê Kurdan û Temsîlkarîya DEM Partî ya Ewropa de ameye têhet.
Koma Keskan-Îtîfaqê Ewropa yê Azadî ra François Alfonsi, Wekîlê Koma Çepe ya PE Malin bjorn, Koma Keskan ra Wekîlê Baskî Jordi Sole û Wekîlê Partîya Fransa Emmanuel Fernandas û Endamê Meclîsê Wekîlan ê Konseya Ewropa Hişyar Ozsoy tewrê aktîvîte bîyî.
Aktîvîte de hêverî Helena Dêrsim nameyê Merkezê Komelê Demokratîkî yê Kurdan ser o derheqê Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ de agahîyî dayî.
Temsîlkarê DEM Partî yê Konseya Ewropa Faîk Yagizayî bale ante ser ke seba azadîya Abdullah Ocalanî rolê girîngî kewenê milê wekîlanê PE û dostanê kurdan. Yagizayî vist vîrî ke CPTyî zîyaretê xo yê peyênî yê Tirkîya de Zîndanê Îmraliyî zîyaret nêkerdo. Yagizayî îfade kerd ke dezgehê Ewropa babeta tecrîdê Îmraliyî de erkanê xo nêanê ca.
Wekîlanê PE zî qiseykerdişanê xo de ard ziwan ke Rayberê Şarê Kurdî Abdullah Ocalan seba çareserîya meseleya kurdan îradeyêk o. Wekîlan pare kerd ke seba çareserîya haştîyane û demokratîke ganî Abdullah Ocalan azad bibo. Wekîlan da zanayene ke ê tim hetê têkoşînê kurdan de yê. STRASBOURG
