Babîyê Îpek Ere Fuat Erî bi vîdeoyêkî vera veradayîşê tecawuzker Musa Orhanî nêrazîbîyayîşê xo mojna. Babîyî vat heta nika ê bêveng mendî la nika ra pey do bêveng nêmanê.
Babî Fuat Erî vîdeo de nê çîyî ardî ziwan: ”Ma heta nika bêveng bîyî la hînî keye şikîya. Cinîya mi xebera veradayîşî ra dima xo ra şîye. Ma pê mat mendî. Dejê ma sey roja verêne yo. Ez venga dozgerî dana ke wijdanê ci rehet o? Eke a kênaya ci bibîyêne reyna zî tecawuzker vera dayêne? Ez hînî nêzanena vajî se. Ez venga avûkatê ey dana. Hende bîyo qij ke avûkatîya ey keno? Ez reyna venga edaletî dana. Ez wazena edalet bêro caardene. Ma pêro pêrîşan bîyî. Ez hêvî kena ke cezaya ci do bêra dayene.
Ma do na dewa ra fek vera nêdê. Eke ewro bêro tepiştene la siba bêro verdayene ma o o çax bêveng nêmanenê. Ez sey hemawelatîyêk venga dewlete, Serekkomar û Wezîrê Karanê Zereyî kena. Wa edalet bêro caardene. Her ca ra mi rê telefon ame, bi mîlyonan kesan mesajê paştdayîşî erşawitî mi. Ma têna edalet wazenê.” ÊLIH
