5ê çeleyî ra nata wendekara Unîversîteya Munzurî Gulîstan Dokuy vindîbîyaye ya û ci ra xeberêk çin a. Her çend ke her çar goşeyê Dêrsimî bi kamerayanê mobeseyan pişte bibî zî 200 rojî yo ke Dokuye ra xeberêk nîna girewtene û cigêrayîşê Gola Awbendê Uzunçayirî ke yeno îdîakerdene Dokuye tewr peynî ewja de ameya vînaye zî bênetîce mend. Badê talebê keyeyê Dokuye ke nika Dêrsim de maneno, qerar ame girewtene ke Awbendê Uzunçayirî bêro vengkerdene.
Girewtişê qerarî ra dima ewro dest bi vengkerdişê Gola Awbendê Uzunçayirî ame kerdene. Selahîyetdaran ra Verfekê Wezîrtîye û Hetkarê Wezîrîya Karanê Zerre Îsmaîl Çatakli da zanayene ke dest bi vengkerdişê awbendî ameyo kerdene. DÊRSIM
