Amed de 8ê hazîrane de çarçeweya operasyonê vera rojanmegeran de JinNews, şîrketê produksîyonî yê Pel, Pîya û Arî û keyeyê rojnamegeran ameybî sereştene. Sereştiş de ajans û şîrketan de dest nîya heme malzemeyê dîjîtalî ser. Produksîyonê Fîlmî yê Pelî û JinNews de cigêrayîş qedîyabi la produksîyonê Pîya û Arî cigêrayîşî dewam kerdêne. Badê 32 rojan cigêrayîş qedîya.
Polîsan badê cigêrayîşî zabitname teslîmê avûkatan kerd la lîsteyê malzemeyê ke ameyo destsernayene nêda. Badê cigêrayîşî xebatkaranê şîrketî tesbît kerd ke 19ê kamerayî, harddîskê heme kompuran, mikserê vengî yê studyoyan, mîkrofonê pêsîrî û monîtorê tay komputuran hetê polîsan ra ameyî destsernayene.
