Ronayîşê şînê Murat Kayayo ke dewa Mûşîyanî ya qezaya Tutaxî ya Agirî de 6ê kanûne de hetê leşkeran ra amebi qetilkerdene, ame astengkerdene. Leşkeran destûr nêdayî ke berê keyeyê şînî yê dewe merdimanê Kayayî rê bêro akerdene. Leşkeran rayîrê dewe şîyayîş û ameyîşî rê padayî û nêverdenî ke kesêk dekewo dewe
Hemwelatijo bi nameyê Murat Kayayî ke pîyê 3 domanan o dewa Mûşîyanî ya qezaya Tutaxî ya Agirî de 6ê kanûne de saetanê serê sibayî de hetê leşker û polîsan ra amebi qetilkerdene. Cenazeya Kayayî 3 roje nêdîyaye keyeyê ci. Cenazeya Kayayî şewe saetêka ereye de binê ablûqaya leşkeranê tirkî de ameye definkerdene û leşkeran destûr nêda ke kesêk zî tewrê merasîmê definkerdişî bibo. Merdimê Kayayî waştî ke keyeyê şînî yê dewe de tazîyeyê ronî. Labelê leşkeran destûr nêdayî ke berê keyeyê şînî yê dewe merdimanê Kayayî rê bêro akerdene. Sewbîna leşkeran rayîrê dewe şîyayîş û ameyîşî rê padayî û nêverdenî ke kesêk dekewo dewe. Tena destûr dîyeno dewijanê dewe ke dekewî dewe. AGIRÎ
