Licê de vizêr operasyono leşkerî dîya destpêkerdene û leşkeran dewê Dêrxust, Huseynîg, Cinezûr û Mişirfî yê Licê girewtî binê ablûqa. Leşkeranê dewleta tirke ya îşxalkere dewijî pê îşkenceyî destbend kerdî.
Goreyê zanayîşanê ke ameyî girewtene dekewtiş û vejîyayîşê dewan hetê leşkeran ra girewte yo. Leşkeran dewijan rê gefê kiştişî wend. Dewijan ra Azîze Bozkuş û mêrdeyê ci Mehmet Şah Bozkuşo ke nêweşê qelbî yo, pê îşkence ameyî destbendkerdene.
Azîze dima vera dîyaye la Mehmet Şah Bozkuş Qereqolê Cendirmeyan ê Licê de tepişîyeno. AMED
