Cadeyê Îstîklalî yê semte Taksîmî yê qezaya Beyoglu ya Stenbolî de teqayîş pê ame. Nîno zanayîş ke teqayîş seba çi pê ame. Goreyê malumatan netîceyê teqayîşî de merde û birîndarî virazîyayî. Badê teqayîşî xeylê ambulans û polîsî sewqê cayê hedîseyî ameyî kerdiş û şar cade ra ame tehlîyekerdiş. Walîtîya Stenbolî Ali Yerlikaya derheqê babete de hesabê xo Twitterî sero eşkerayî da û dîyar kerd ke teqayîş de merde û birîndarî estî.
Teqayîşê Cadeyê Îstîklalî yê semte Taksîmî ra dima Twitter ame vindarnayîş. Tirkîya de merdim nêeşkeno dekewo Twitterî û herikîyayîşê ci ame vindarnayîş. STENBOL
