Dewleta tirkî û çeteyê ci yê ke Efrîn dagîr kerdî şarê herême ser de hêrişanê xo yê teberê merdimîye domnenî. M.B yo ke Efrîn de mendêne, raştê hêrişanê leşkeranê dewleta tirkî û çeteyanê ci ameyo. M.B netîceyê xeylê zehmetîyan de ewja ra vejîyayo û qala wehşetê dagîrkeran kerd
Dewleta tirkî û çeteyê ci ke Efrîn dagîr kerda, ewja de hêrişanê xo yê teberê merdimîye domennî. Bi nameyê M.B yo ke Efrîn de mendêne, raştê hêrişanê leşkeranê dewleta tirkî û çeteyanê ci ameyo. M.B netîceyê xeylê zehmetîyan de ewja ra vejîyayo.
M.Byî qala wehşetê dagîrkeran kerd. M.B seba ke zirar nêdîyo keyeyê ci, nameyê xo aşkere nêkerd. M.B wexto ke şono zîyaretê birayê xo hetê 4 çeteyê ke rîyê înan de maske esto ra îşkence vîneno. Çeteyî erzenî keyeyê ci ser û birazayê ci remnenî. M.B vano ‘çeteyan çimanê cinî û domananê mi ver de îşkenceyê mi kerd û pere û telefonê mi xesp kerdî’.
Birazayê M.Byî ra 50 rojî xebere nîna girewtene û 50 rojî ra dima bi 50 Hezar Lîraya Sûrîye fîdye birazayê ci serbest yeno verdayene. M.B dano zanayene ke rojêk wexto ke kar ra agêrayo, çeteyan vernîya ci girewta û vato ‘eke ti 500 dolar nêdî, ti do bêrî tepiştene’ û wina va: “Seba ke pereyê mi çinêbi, înan dest ser keye û motora mi na. Badê ke keye û motore şîyî, ez mecbûr menda ke keyeyê birayê xo de bimana. Labelê çeteyan reyna eştî keyeyê ma ser û ma eştî teber.” HELEB
