Balafirên şer ên dewleta tirk gelek herêmên girêdayî herêma Biradostê bombebaran kirin. Di van kêliyan de jî balafirên şer bi awayeke nizm li ser herêmê difirin
Balafirên şer ên dewleta tirk a dagirker di saetên piştî nîvro de çend deverên girêdayî herêma Biradostê ya bi ser parêzgeha Hewlêrê ve bombebaran kirin.
Li gel bombebarana devera Wertê, gundên Binarê Qendîlê, balafiran herî dawî gundên Mêrgerîş û Mêrgemîr ên herêma Biradostê jî bombebaran kirin. Li gorî agahiyan, di encama bombebaranê de ziyaneke mezin gihişt rez, bax û zeviyên welatiyên herêmê.
Her wiha ji ber êrîşên dewleta tirk heya niha zêdetirê 18 gundên herêmê vala bûne. Li gora heman zanyariyan di van kêliyan de jî balafir bi awayeke nizim bi ser asîmanê herêmê de digerin. HEWLÊR
