Hetkarê serekê Grûba HDPyî yo verên û endamê Heyetê Îmraliyî Îdrîs Balûkenî Zîndanê Sîncanî ra mesajêk şawit û va: “Cesareto ke ma gama ke dejê ancenê de ramojnenê, ganî ma semedê redkerdişê dejanê neweyan zî ramojnê.”
Parlamentero verên yê Partîya Demokratîke ya Şaran (HDP) yê Çewlîg û Amedî Îdrîs Balukenî Zîndanê Sîncanî ra mesajêk şawit.
Mesajê Balûkenî yo ke hetê avûkatê ci Erdal Doganî ra twîtter de ame perekerdene wina yo: “Polîtîkayê zext, zordarîye û şerî yê ke yenê rayraberdene û şar û welatê ma fînenê tengayîye ma qebûl nêkenê do nêkerê. Na çarçewa de haştîye, demokrasî, azadîye, edalet û seypêyîye rê ganî ma no deme de hîna zaf wayîr bivejîyê. Rixmê qerarê Mehkemeya Qanûnê Bingeyênî (AYM) yê kêmî û nêcetî fîkrê haştîye yeno mehkumkerdene. Ma nê tewirê hêrişkarî şermezar kenê. Peynîya roje de no zîhnîyeto ke şerî bimbarek keno, semedê mefaatê xo her kesî, ehleq, huqûq û ercê merdîmîye binpay keno vînkerdiş rê mehkum o. Bero ke rojanê rindan û holan rê abeno do xeyrê fîkrê haştîye yê bierdemî bêro akerdene. Çarekerdişê meseleya Kurdî û ameyîşo hempar ê şaranê herême do dejo ke cografyaya ma de bîyo sey qederî, werte ra wedaro. Cesareto ke ma gama ke dejê ancenê de ramojnenê, ganî ma semedê redkerdişê dejanê neweyan zî ramojnê.” ANQARA
