Êrîşên dewleta tirk a dagirker ên li ser Herêmên Parastinê yên Medyayê ku ji bo dagirkirina tevahî xaka başûrê Kurdistanê daye destpêkirin, berdewam dikin. Dijî êrîş û ji bo parastina Kurdistanê, berxwedana gerîlayên azadiyê ya bêhempa jî bênavber dewam dikin. Dewleta tirk a ku nikare xwe li ber berxwedana gerîla rabigire, serî li rê û rêbazên qirêj dide. Dewleta tirk a dagirker dijî gerîlayên azadiyê çekên kîmyewî bikar tîne, di serî de hikûmeta Başûr û Iraqê, hemû welatên cîhanê li dijî vê hovitiyê bêdengiya xwe diparêzin. Lê roj bi roj nerazîbûna ciwan û gelê kurd a dijî bikaranîna çekên kîmyewî zêde dibin.
Di vê çarçoveyê de Komeleya Ciwanên Welatparêz ya Kurdistanê li ber derê Baxê giştî ya navçeya Ranya ya girêdayî Îdareya Raperînê, dijî bikaranîna çekên kîmyewî çalakiyek lidar xistin. Ciwanan wêneyên serokkomarê tirk Recep ên li ser wan terorîst hatine nivîsandin, avêtin erdê.
Endamê Komeleya Ciwanan Zerdeşt Ranye axivî û wiha got: “Dewleta tirk a dagirker li hemberî îradeya gerîlayên azadiyê bin ket, ji bo vê jî êdî çekên qedexekirî bikar tîne. Tevî hemû êrîşan, gerîlayên me yên qehreman berxwedanek bêhempa didin meşandin û êrîşên wan şikandine.”
Zerdeşt bi taybetî ciwanan bang li gelê kurd kir ku gerîlayên azadiyê tenê nehêlin û bibin piştevanê berxwedana gerîla. RANYA
