Barana zêde ya ku di demên dawî de li Hewlêrê dibare, rê li ber lehiyê vekir. Ji ber lehiyê li çend taxên Hewlêrê dikan û avahî di bin avê de man. Gelek welatî jî di rêyan de di wesayîtên xwe de asê man
Li Herêma Federal a Kurdistanê ev çend roje li pey hev baraneke zêde dibare. Şevê din li Hewlêrê ji ber barîna barana zêde lehî rabû û bandoreke neyînî li ser jiyana gel kir. Ji ber lehiyê li çend taxên Hewlêrê mal û dikanên welatiyan di bin avê de man. Ji ber lehiyê ziyanên madî çêbûn.
Hat zanîn ku ji ber lehiyê gelek wesayîtên di rêyan de jî asê man. Welatiyên ku di wesayîtan de asê mayîn, kêliyên zehmet derbas kirin. Hêjayî gotinê ye ku li Herêma Federal a Kurdistanê ev çend roj in li pey hev baraneke zêde dibare. Ji ber lehî û barana zêde heta niha gelek ziyanên madî pêk hatin. Di heman demê de li gelek deveran jî pir rûxiyan. HEWLÊR
