Dewleta tirk a dagirker herêma pîşesaziyê ya Serêkaniyê bi dijwarî bombebaran û topbaran kir. Di êrîşa hovane de di nav de zarok jî, 8 sivîl birîndar bûn
Dewleta tirk a dagirker û komên wê yên çete hovîtiya xwe ya li dijî rojavayê Kurdistanê didomînin. Di vê çarçoveyê de ji 9’ê cotmehê roja destpêkê ya êrîşa dagirkeriyê heta niha bi dehan sivîl qetil kirin û bi sedan jî birîndar kirin.
Li gorî agahiyên ji herêmê, hêzên artêşa tirk a dagirker û çeteyên wê herêma pîşesaziyê ya Serêkaniyê bi dijwarî bombebaran û topbaran kir. Hat zanîn ku di encama bombebarana artêşa tirk û çeteyên wê de di nav de zarok jî, 8 sivîl birîndar bûn. Birîndar rakirina nexweşxaneyan.
Di dîmenekê ku birîndar tê de dixuyîn de zarokeke ku gelemperiya bedena wî ji ber bombeyê şewitiye di qîre û dibêje: “Bavo bedena min dişewite” û digire.
Hêjayî bibîrxistinê ye ku artêşa tirk a dagirker duh li Serêkaniyê bi balafiran li konvoya sivîlan xistibû û 11 sivîl bi hovane qetil kiribû. Di heman demê de 74 sivîl jî birîndar bûbûn. SERÊKANIYÊ
