Baroya Dêrsimî bale ante zêdebîyayîşê peymeyê lînçî û dîyar kerde ke têgêrayîşê polîsan yê Gebze, Qoser û Amedî teberê onurê merdimîye yo
Baroya Dêrsimî derheqê zêdebîyayîşê peymeyê kulturê lînçî de eşkerayîyêko nuştekî weşanaye. Eşkerayî de bale ancîya prosesê peyênan de zêdebîyayîşê peymeyê kulturê lînç û bêedaletî ser û wina ame vatene: “Çeku û qiseykerdişê nefretin bedilîyayo tercihêko sîyasî. Ziwano ke aktor û onderê kanaatî xebetnenî, komel de benî çalakîyê şîddetin. Her çeku û qiseykerdişê ke seba menfîetnê polîtîk yenî kerdene, renganê cîya-cîyayan yê komelî yewbînan ra hîna dûeî kenî û yewbînan rê kenî dişmen. Taybetê prosesê weçînayîşî de no ame kerdene.”
Baroya Dêrsimî bale ante hêrişê polîsan yê vera dayîkanê Gebze, Qoser û Amedî ke Dayîkê Aştîye vernîya zîndanî de waştî ke bale biancî serê rewşa domananê xo yê ke seba wedarnayîşê tecrîdê serê Rayberê Şarê Kurdî Abdullah Ocalanî grevê vêşanîyî ser û va: “Têgêrayîşê polîsan yê Gebze, Qoser û Amedî teberê onurê merdimîye yo. Badê ke Serekê Pêroyî yê CHPyî Kemal Kiliçdarogluyî ke 21ê Nîsane roja Yewşeme Anqara de raştê hêrişî ame, no hêriş resa zîrwe. No hêriş hêrişê hemverê yewîya şarê Tirkîye yo. No hêriş hediseyê Mereş, Çorum û Sêwazî ard vîr.” DÊRSIM
