Komeleya Çand, Yekitî, Piştevanî û Alîkariyê ya bi Malbatên Xizmên xwe Windakirina ya li Dergûşa Şaristaniyan (MEBYA-DER) li Wanê kongreya xwe ya yekemîn a awarte li hev civand.
Bi sedan kes tev li kongreyê bûn ku yek ji wan jî Hevserokê Giştî yê Partiya Herêman a Demokratîk (DBP) Keskîn Bayindir bû.
Hevserokê DBP’ê Keskîn Bayindir li kongreyê axivî û destnîşan kir ku dem êdî dema kurdan e.
Bayindir plana têkbirinê ya dewleta tirk di sala 2014’an de xiste meriyetê bi bîr xist û got ku ev proje li hemberî têkoşîna azadiyê ya kurd têk çû û ev tişt anî ziman: “Li Bakur desthilatdariya AKP-MHP’ê têk çû, tenê tiştek di destê wan de maye, ew jî polîtîkayên li dijî girtiyan e. Li dijî Birêz Ocalan tecrîdeke giran tê ferzkirin. Lê belê her proje û plana wan têk çû. Gelê kurd rastiya têkoşînê ji zindana Amedê wergirt. Gelê kurd xwedî li Birêz Ocalan derket û wê têkoşîna xwe ya li dijî tecrîdê dewam bike. Karê me yê sereke jî şikandina tecrîda li ser Birêz Ocalan e. Îro jî, sibe jî em ê têkoşîna xwe mezin bikin.”
Piştî axaftinan bi lîsteyekê hilbijartin hat kirin û Hanim Kaya û Bûrhan Demîr bûn hevserokên komeleyê. WAN
