Mevlut Çavuşoglu di civîneke çapemeniyê de got: “Civîna wezîrên parastinê û serokên îstixbaratê yên Tirkiye, Rûsya û Sûriyeyê dema borî civîneke sêalî li dar xist. Piştre me bi Îranê re dema wezîrê karên derve yê Îranê Hisên Emîr Ebdullehyan serdana Tirkiyeyê kir, li hev kir ku Îran di çarçoveya dan û standinên Astanayê de tev li civînan bibe.”
Çavuşoglu diyar kir ku Tirkiye û Rûsyayê ragihand ku tu pirsgirêk li cem her du aliyan tune ye ku Îran di çarçoveya Astanayê de tev li dan û standinên Sûriyeyê bibe, ji ber ku li gorî rave kiriye armanca wan yek e.
Çavuşoglu destnîşan kir ku dan û standin û amadekariyên lidarxistina civîna çaralî ya wezîrên karên derve berdewam in û got: “Hefteya bê dê li Moskovê cîgirên wezîrên karên derve yên her çar dewletan bicivin.”
